Освен тренинзи, секој кој смета дека треба да го надогради начинот на исхрана или темелно да го промени во зависност од потребите – нудиме планови за исхрана кои се индивидуално креирани за секого.

Да се биде во зона е физиолошка состојба на телото која се испитува со помош на одредени клинички тестови (инсулин, шеќер и слично) за да се оптимизира можноста за контрола на воспаленија предизвикани од храна кои се причина за прекумерна тежина, одредени болести и брзо стареење. Идејата е секогаш да избереме здрава храна која најдобро ќе одговара на нашиот моментален животен стил.

Што е Зонска Исхрана?

Овој тип на исхрана охрабрува да внесуваме одредена количина на протеини, јаглехидрати и здрави масти во секој наш оброк што ни овозможува здравствени придобивки. Зонската исхрана е развиена од Др. Бери Сирс пред 30 години (повеќе информации кај него на сајт) базирана на наука за да се намали воспалението предизвикано од храна. Оваа исхрана главно ќе ви помогне да ги намалите вишокот на килограми доколку е потребно или да зголемите мускулна маса и при тоа да ги подобрите физичките и ментални перформанси, додека живеете поисполнет живот.

Јас и Атанас повеќе од 6 години ја практикуваме Зонската исхрана. Низ годините баравме нешто што ќе ни одговара, што ќе ни биде секојдневие, на нас и на децата, како и за време на бременостите, а сепак да се вклопи во секојдневниот живот и да не е стрес и еднократна диета. Не постои совршен модел на исхрана но е наш прифатен начин, испробан на многу вежбачи, пријатели, роднини и луѓе кои се борат со прекумерна килажа и при тоа 90% сме имале фантастични резултати освен физички, така и со подобрен хормонски статус и биохемсика слика на крвта.

Во табелата подоле се вклучени неколку примери за зонски оброци. Во секој ден вклучуваме и ужинки кои најчесто се состојки кои останале од ручекот, шејкови или јаткасти плодови.